A Xunta insiste en esixir unha moratoria inmediata e temporal da normativa da UE que "afoga a agricultores e gandeiros" mentres Europa reflexiona sobre o futuro deste sector

José González explicou que vén de remitir unha carta ao Ministerio de Agricultura, Pesca e Alimentación coas demandas do sector primario para que o seu titular as leve ao Consello Europeo de ministros de agricultura que se celebra este luns en Bruxelas

Ante o cambio de rumbo anunciado pola CE, o titular de Medio Rural en funcións destaca que “acredita o posicionamento de Galicia” e fai “aínda máis pertinente, e urxente” a necesidade de suspender a aplicación da lexislación que pon en perigo a viabilidade das explotacións

Pon o foco nas reivindicacións do sector primario, arredor das novas trabas burocráticas e esixencias medioambientais que –compartindo a súa pertinencia– non atenden ás especificidades do territorio nin a tripla sustentabilidade económica, social e medioambiental

Insistiu en que España, como “potencia agroalimentaria”, ten que encabezar “cunha postura activa e contundente” a demanda desta moratoria, atendendo ao que xa pediron produtores e CCAA como Galicia ao longo da negociación da nova PAC, ademais de instar a fixar cláusulas espello nos tratados comerciais

Por outra banda, ademais de celebrar eventos como o de hoxe en Santa Comba, resaltou o apoio da Xunta a este sector, para o que se destinarán neste ano máis de 83 millóns en axudas para afondar na súa competitividade e favorecer a remuda xeracional

Do mesmo xeito, o conselleiro advertiu que as necesarias reformas non poden ser, en ningún caso, unha simple maquillaxe para sufocar as protestas, senón que teñen que ser estruturais, para garantir o futuro do sector. Neste contexto, cómpre reconsiderar medidas coma o caderno dixital, o veterinario de explotación, o emprego de fitosanitarios ou as disposición relacionadas coa nutrición sostible do solo, que a xuízo da Xunta deben quedar en suspenso, e nun futuro, chegado o caso, ser flexibilizadas para unha incorporación paulatina. O Goberno galego, en paralelo, insiste en que o Executivo central debe modificar de inmediato a Lei da Cadea Alimentaria para facer efectiva a prohibición da venda a perdas, como leva tempo pedindo Galicia, ademais de recoñecer as ferramentas de cálculo de costes de produción (Contaláctea e Contacarne) postas en marcha pola Xunta.

Descarga gratis la nueva app de COPE y prueba todas las novedades. Ya disponible para iPhone y Android, con nuevas funcionalidades. Todos los programas, emisoras y noticias. Con la posibilidad de recibir notificaciones en tu móvil. La aplicación para iOS y Android se puede descargar de forma totalmente gratuita a través de la App Store y Google Play.

La aplicación de COPE es el mejor canal para escuchar la radio en directo, pero es también un completo medio de información digital que cuenta las noticias cuando se están produciendo, que te alerta de lo que sucede mediante notificaciones en tu móvil. Continúa leyendo las últimas noticias de actualidad en nuestra página web para estar siempre informado de lo que está pasando