Unha "autovía" para entrar a Lugo: o desdobramento da Avenida Infanta Elena entra na súa recta final

O presidente da Deputación de Lugo, José Tomé, e o alcalde de Lugo, Miguel Fernández, supervisaron este martes o inicio dos traballos que completarán os 2,7 quilómetros do desdobramento e humanización da Avenida Infanta Elena, nos que a institución provincial investiu un total de 2,4 millóns de euros, 1,3 nesta última fase.

"Será unha autovía, un acceso espectacular, o mellor que vai ter a cidade de Lugo e onde máis falta fai pola afluencia de tráfico. Unhas actuacións que eu espero que estean rematadas nos meses de outubro ou de novembro", valorou o mandatario provincial.

Pola súa banda, o alcalde agradeceu o esforzo inversor e o compromiso da institución provincial nestes traballos que "significan seguir avanzando cara ese modelo de cidade que defendemos: un Lugo aberto, onde gañamos espazos públicos para a veciñanza".

ÚLTIMA FASE DO DESDOBRAMENTO

O proxecto para esta última fase conta cun investimento de 1,3 millóns de euros, e contempla o desdobramento e a humanización da Avenida Infanta Elena no treito comprendido entre as glorietas da Garaballa de Arriba e Benigno Rivera. 

Este treito, cunha lonxitude total de 456 metros, contará con dúas marxes de calzada dun ancho duns dez metros cada unha, distribuídas en tres carrís de circulación por sentido.

Ademais, a marxe dereita dotarase dun carril bici cun ancho de tres metros, e no caso das beirarrúas terán catro metros de ancho a ambos lados, con árbores, iluminación, bancos e papeleiras.

Estes traballos tamén inclúen a renovación e dotación dos servizos de abastecemento, saneamento e alumeado público, tendo en conta a situación actual e as demandas futuras que poida ter a contorna, como pode ser o desenvolvemento de solos urbanos ou urbanizables.

00:00

Volumen

Comparte en:

Copiar enlace Descargar

Baruk Domínguez

Inicio das obras entre as glorietas da Garaballa de Arriba e Benigno Rivera