COPE de la Costa, nos campionatos internacionais de baristas e cata de cafés

O IES de Foz organiza o XII Campionato Internacional de Baristas de Escolas de Hostalería, que se celebrará entre os días 13 e 15 de febreiro. 

Conxuntamente a este duodécimo campionato de baristas en formación, celébrase o VII Campionato Internacional de Baristas Profesionais, así como outro certame para estudantes, o VII Concurso Internacional de Cata de Cafés.

Co gallo deste evento, COPE de la Costa estará in situ no IES de Foz o xoves 14 de febreiro, narrando o desenvolvemento do certame. En concreto, estaremos en directo de 13:00 a 14:00, a través do "Costa Viva", o programa senlleiro dos mediodías mariñaos.