A celebración do Entroido ateigou o centro de Lugo

O tempo seco axudou á organización e fixo que a xente de Lugo se botase á rúa para celebrar o Entroido. Foron moitos os veciños que se achegaron ao casco histórico, á Praza Maior, para disfrutar un ano máis do tradicional concurso de disfraces de adultos organizado pola Área de Cultura, Turismo e Promoción da Lingua.

Os concursantes non defraudaron. Despregaron a súa imaxinación, bo humor e habilidades con vistosas creacións e coreografías que animaron desfile, seguido por centos de persoas.

O xurado estivo formado por Noelia Pardo Fernández, profesora e representante da Escola de Arte e Superior de Deseño Ramón Falcón; José Antonio Ayán, membro da asociación cultural Curuxán, e José Manuel Núñez Blázquez, artista plástico, presidente da asociación Ágora Cultural e director de Velaí Tes Teatro.

O concurso comezou coa categoría de disfraces individuais, na que se inscribiron cinco adultos. Nesta categoría establecéronse tres premios e dous accesit e os agraciados foron os seguintes:

- "A raíña dos anxos", cun premio de 50€

- "A diva do póquer", cun premio de 50€

- "A dama da plumaxe", cun premio de 200€

- "Batman, o cabaleiro escuro", cun premio de 300€

- "O cazador da xungla", cun premio de 500€

Na categoría de disfraces por parellas repartíronse os seguintes premios, con cinco accesit:

- "Saw", cun premio por valor de 100€

- "As cartas sobre a mesa", cun premio por valor de 100€

- "As Salvaxes", cun premio por valor de 100€

- "Mamá, eu quero a Minnie", cun premio por valor de 100€

- "Peliqueiras de refugallo", cun premio por valor de 100€

- "La costurera y el sastrecillo", cun premio por valor de 300€

- "Peliqueiro ou cigarrón, é Galicia, é tradición", cun premio por valor de 400€

- "A colleita de Peter Rabbit", cun premio de 600€

00:00

Volumen

Comparte en:

Copiar enlace Descargar

”Peliqueiro ou cigarrón, é Galicia, é tradición”

-

O desfile rematou co paseo das comparsas. Ducias adultos e nenos e nenas participaron nesta categoría que resultou por momentos moi espectacular debido aos elaborados e orixinais traxes deseñados, así como polas animadas coreografías.

Os premios repartíronse do seguinte xeito, con tres accesit:

- "Somos Bratz", cun premio por valor de 200€

- "De que vamos?", cun premio por valor de 200€

- "Gru e os Minions", cun premio por valor de 200€

- "As abellas vs Velutinas (pequenas pero esenciais)", cun premio por valor de 600€

- "Os vikingos outeiranos", cun premio de 800€

- "Meigallos", cun premio de 1.100€

00:00

Volumen

Comparte en:

Copiar enlace Descargar

“De que vamos?”

-