Onde podo facer test de antíxenos en Lugo nos próximos días?

O Sergas continuará durante a fin de semana e a vindera coa realización de probas diagnósticas de Covid-19 en diferentes puntos da provincia, nun momento no que superamos os 8.000 casos activos, con 651 positivos confirmados nas últimas 24 horas.

Fin de semana

No que atinxe a esta fin de semana, hoxe venres, día 21 de xaneiro, realizáranse probas diagnósticas en Sarria, en horario de 16: 00 horas a 19:30 horas. Mañá sábado, día 22 de xaneiro, en Vilalba, en horario de 16:00 horas a 19:30 horas. Ademais de, coma sempre, na Xefatura Territorial de Sanidade (15:30 horas a 20:30 horas), en Lugo, e na Casa do Mar de Burela de 12:00 a 18:00 horas.

Vindeira semana

A vindeira semana, no distrito sanitario centro, realizáranse probas diagnósticas na Xefatura Territorial de Sanidade, de luns a domingo, en horario de 15:30 a 20:30 horas.

Tamén a vindeira semana, realizaranse probas diagnósticas da Covid en Sarria, os días 24 (luns) e 27 (xoves), en horario de 16:00 horas a 19:30 horas; e en Vilalba, os días 25 (martes) e 28 (venres), en horario de 16:00 a 19:30 horas.

No distrito sanitario de A Mariña continúase coa realización de probas diagnósticas da Covid na Casa do Mar de Burela, de luns a sábado, en horario de 12:00 a 18:00 horas. En Ribadeo a vindeira semana serán o luns, mércores e venres, en horario de 10:00 a 13:00 horas e en Viveiro serán o martes, xoves e sábado, en horario de 10:00 a 13:00 horas

Neste momento hai 57 persoas ingresadas nos hospitais de Lugo, seis en coidados intensivos.