As obras de Lugo: máis longas que un día sen pan, pero con data de finalización

Xa ninguén lembra cando comezaron, pero o que está claro é que, despois de varias prórrogas concedidas á empresa, parece que o final nunca chega.

Aínda así, a verdade é que os traballadores, que se están deixando a pel e mesmo as uñas, traballan a bo ritmo, sempre mirando ao ceo, sorteando as inclemencias do tempo como nas últimas hora a visita de Martinho, ese vento todo que casi non deixa traballar no exterior. Ninguén pode negar que a xente está facendo o seu mellor traballo, aínda que as horas se vaian alonxando e os nervios comecen a aflorar. Con todo, nas últimas horas houbo novidades importantes...

"ULTIMÁTUM" DO NOVO ALCALDE

O alcalde de Lugo, Miguel Fernández, compareceu este xoves, acompañado polo novo edil de Urbanismo, Jorge Bustos, para anunciar a data límite de remate das obras de peonalización do centro histórico da cidade, así como que non haberá máis prórrogas, salvo circunstancias completamente excepcionais, como a aparición de novos restos arqueolóxicos, que non se prevén a estas alturas.

Despois de numerosos atrasos, posto que entre os dous proxectos principais suman nove prórrogas concedidas, Miguel Fernández asegurou que os traballos de peonalización no centro histórico da cidade quedarán finalizados o próximo 15 de xuño.

En concreto, o rexedor local precisou que as obras na Rúa Montevideo, que acumula cinco prórrogas, a última concedida en febreiro estarán terminadas o 15 de maio. Na contorna da Praza de Santo Domingo, con catro prórrogas previas, os traballos finalizarán o día 15 de xuño.

00:00

Volumen

Descargar

Comparte en:

Copiar enlace Descargar

Ramudo

Miguel Fernández e Jorge Bustos supervisaron as obras do casco histórico de Lugo

Ou mesmo, asegurou o alcalde aos medios de comunicación, "uns días antes", en función da evolución das obras que, neste momento, marchan a bo ritmo.

De feito, Miguel Fernández confirmou que nas últimas horas reuniuse cos responsables das empresas concesionarias e estes confirmáronlle que, se se mantén o ritmo actual de execución e non se producen achados inesperados de novos restos arqueolóxicos, non haberá problema para finalizar os traballos no novo prazo fixado.

Fernández recoñeceu que "as obras sempre molestan" e que os veciños de Lugo están a desexar "que terminen".

De feito, tamén este xoves, o Concello activou un novo plan de tráfico para favorecer a mobilidade dos vehículos no centro histórico e, ao mesmo tempo, facilitar o avance das obras.

TODO O MUNDO ATENTO

Non queremos engadir máis presión, pero si quixeramos deixar claro algo fundamental: todo o mundo está a estar moi atento. Eso sí, se alguén pensaba que isto era cuestión de uns poucos días, dende aquí lles lembramos que o reloxo de area non vai tan rápido como quixeramos.

Hai críticas, é certo. Moitas críticas, pero tamén unha boa dose de comprensión. Todos desexamos que a obra remate canto antes, pero tamén, e isto é fundamental, queremos que remate ben. Ben feito, ben acabado, sen deixar de lado a calidade. Non é só cuestión de correr para que acabe, senón de que o traballo quede bonito, funcional e que todo o mundo diga: "Valeu a pena agardar"

Así que, coas mans nas palmas e os ollos postos no horizonte, só podemos dicir unha cousa: ánimo, que xa queda menos. Agardemos, pois, que ao final o resultado sexa digno de tanta paciencia e, sobre todo, que sexa o que Lugo merece.