Galicia manterá este curso o mesmo número de aulas grazas ao acordo sindical malia ter 4.000 alumnos menos

Haberá un total de 7.336 aulas en Infantil e Primaria no sistema público galego, dúas máis que no curso 23/24, a pesar da caída de estudantes nestas etapas

A aplicación do histórico acordo, que blinda a estrutura do ensino para a vindeira década, permite manter abertas 204 aulas que coas rateos anteriores pecharían

O número de docentes incrementarase nestes niveis respecto ao ano anterior, con novas incorporacións ata o mes de setembro

A maiores, a Consellería decide manter en funcionamento catro centros educativos no rural con menos de seis alumnos ao apreciar previsións de incremento

Os centros de Infantil e Primaria comezarán o curso o vindeiro 11 de setembro cun total de 174.998 alumnos, o que supón un descenso de 4.030 estudantes respecto ao curso 2023/24. A pesar deste descenso de matrícula, estes centros contarán co mesmo número de aulas. En concreto, no caso dos colexios públicos, haberá en funcionamento 7.336 aulas, dúas máis ca no ano académico que vén de rematar. Ademais, o número de mestres incrementarase nestes niveis respecto do ano anterior, con novas incorporacións ata o mes de setembro.O

publica precisamente hoxe a modificación do catálogo de unidades do sistema público nas etapas de Infantil e Primaria, no que se pode apreciar xa o resultado da aplicación do histórico acordo de mellora estrutural do sistema educativo asinado o pasado ano entre a Xunta de Galicia e as organizacións sindicais.Os datos provisionais de matrícula e unidades nas etapas de Educación Infantil e Educación Primaria para o novo curso escolar son os reflectidos na seguinte táboa:

50.12948.467–1.662

128.899126.531–2.368

179.028174.998–4.030

7.3347.336+ 2A aplicación do acordo sindical permite manter abertas 204 aulas que, coas rateos anteriores, pecharían. Deste xeito, estímase que o acordo vai permitir manter arredor de 900 aulas abertas nos tres próximos cursos, malia a caída da natalidade, para dar así unha atención máis personalizada ao reducirse a cifra de estudantes por aula.

Cómpre lembrar que a Consellería de Educación, Ciencia, Universidades e FP recibiu 14.379 solicitudes de praza para nenos e nenas que entran por primeira vez no sistema en 4º de Infantil. Isto supón que quedaron libres arredor do 32% das 21.137 prazas ofertadas. O 97% das familias acadan praza no centro solicitado como primeira opción.O acordo asinado coas organizacións sindicais inclúe 16 medidas, todas elas en marcha, entre as que se atopa a redución de rateos de alumnos por aula, que empeza este curso en 4º de Infantil e que se irá implementando ano a ano, blindando así a estrutura do sistema na vindeira década. Ademais, comeza tamén xa a computarse o alumnado con discapacidade, con melloras progresivas e proporcionais para non romper grupos existentes. Trátase dunha medida pioneira que non ten ningunha comunidade en España.

De xeito parello, a Administración educativa fai cada ano adaptacións atendendo ás dinámicas poboacionais. Este curso, e malia ter unha matrícula por debaixo dos seis alumnos, a Xunta decide manter en funcionamento catro centros educativos por apreciar previsións de incremento de estudantes para os vindeiros cursos. Trátase das escolas de Educación Infantil EEI de Santa Cruz (San Cibrao das Viñas) e EEI de Taboadela (Taboadela) e dos colexios CEIP de Pazos–Comoxo (Boiro) e CEIP de Vilariño de Conso. Todos eles contan con cinco alumnos matriculados para o curso 2024/25.Porén, por matrícula insuficiente e sen previsión de incremento, este curso non prestan servizo educativo, como estaba previsto, as escolas de Educación Infantil EEI de Traba (Laxe, 4 matriculados), EEI de Tal de Abaixo (Muros, 3 matriculados), EEI de Agro–Baredo (Baiona, 4 matriculados), EEI de Solobeira (Vilagarcía de Arousa, 2 matriculados), EEI de Guillán (Vilagarcía de Arousa, 2 matriculados) e o Colexio CEIP de Beariz (3 matriculados). Os nenos destes centros teñen xa praza nos colexios de referencia máis próximos.A maiores, e para facilitar un mellor funcionamento, intégranse no Colexio Rural Agrupado de Dodro, que pasará a denominarse CRA de Dodro–Padrón, as escolas de Educación Infantil EEI de Arretén, EEI A Escravitude, EEI de Extramundi de Arriba e a EEI de Pontecesures, todas elas do concello de Padrón. O obxectivo é que, ao funcionar como un único centro, conten con máis e mellores recursos e desenvolver proxectos en común.Os últimos informes a nivel nacional indican que en Galicia o 99,7% do alumnado de Infantil e Primaria conta con servizo educativo no concello onde reside. Isto supón que só o 0,3% non dispón del no seu municipio fronte ao 1,2% de media de España.

Doutra banda, o

publica hoxe a resolución pola que se modifican os concertos de Educación Infantil, Educación Primaria, ESO, Educación Especial e de FP aprobados en 2023 e ata 2029. Esta modificación faise seguindo a legalidade vixente.Así, este curso haberá un total de 3.994 unidades concertadas para as devanditas etapas, catro máis ca no curso anterior, que dan servizo a arredor de 81.000 estudantes. Case o 90% do orzamento dos concertos está destinado a aboar as retribucións do profesorado e do persoal complementario nas unidades de Educación Especial.

Descarga gratis la nueva app de COPE y prueba todas las novedades. Ya disponible para iPhone y Android, con nuevas funcionalidades. Todos los programas, emisoras y noticias. Con la posibilidad de recibir notificaciones en tu móvil. La aplicación para iOS y Android se puede descargar de forma totalmente gratuita a través de la App Store y Google Play.

La aplicación de COPE es el mejor canal para escuchar la radio en directo, pero es también un completo medio de información digital que cuenta las noticias cuando se están produciendo, que te alerta de lo que sucede mediante notificaciones en tu móvil. Continúa leyendo las últimas noticias de actualidad en nuestra página web para estar siempre informado de lo que está pasando