As enmendas do Partido Popular aos orzamentos de Lugo inclúen un aparcadoiro en Fontiñas e manter a ubicación actual da protectora de animais

O Partido Popular presentou este martes unha serie de enmendas aos orzamentos municipais do Concello de Lugo para o ano 2025.

As enmendas dos populares "proxectos esenciais para Lugo" como un aparcadoiro en Fontiñas, o abastecemento de auga, impulsar un plan local de saúde mental, axudas sociais para os maiores, iniciativas para a xuventude, estudar o acercamento da intermodal á cidade, manter a protectora na ubicación actual ou adecuar todos os postos do mercado e non so os baleiros.

CONTAS "MÁIS SOCIAIS E EQUILIBRADAS"

Os concelleiros Mar Carballas e Javier Vázquez Castro explicaron que "o obxectivo destas propostas son garantir que Lugo conte cunhas contas máis sociais e equilibradas".

Os edís populares manifestaron que lles guastaría "ser parte da elaboración deste documento", e indicaron que "o normal sería abordar os orzamentos nun pleno extraordinario", tildando de "inaceptable" que "a documentación dos orzamentos se entregase cunha antelación tan curta" e que se pretenda "que a oposición non teña tempo para realizar unha análise en profundidade". 

"Isto non é democracia, é poñer trabas para ocultar a falta de xestión", lamentaron.

ORZAMENTOS "FEBLES" E "SEN FUTURO"

"Saben que os seus orzamentos son febles, sen proxecto de futuro para Lugo. A nosa prioridade segue sendo que os veciños coñezan a verdade e que se garantan unhas contas equilibradas e responsables", criticaron os populares.

"Non imos permitir que as malas prácticas do PSOE e do BNG limiten o noso traballo nin que Lugo perda a oportunidade de ter uns orzamentos mellores", finalizou Javier Vázquez.