A Xunta reafirma o seu apoio ao viño galego mediante unha estratexia específica, diferentes liñas de axudas e medidas legais de impulso a este eido clave no rural

José González salientou a calidade e proxección dos viños galegos en xeral e dos da denominación de orixe Rías Baixas en particular e felicitou os viticultores, adegueiros e responsables do Consello Regulador “por manter o pulo destes viños, ano tras ano”

Puxo en valor a Estratexia de dinamización económica, territorial e turística das comarcas vitivinícolas de Galicia, a Lei de recuperación da terra agraria ou a futura norma de calidade alimentaria como iniciativas de impulso ao sector alimentario

Recordou as diferentes liñas de axuda que xestiona a Xunta para potenciar este eido produtivo en xeral e o ámbito vitivinícola en particular

Ademais, o conselleiro vinculou esta iniciativa coa Lei de recuperación da terra agraria de Galicia, que entre outros obxectivos persegue o de poñer en valor terreos en estado de abandono ou infrautilización, garantindo a posta en marcha de actividade agrogandeira e forestal con valor engadido que ao tempo que xera riqueza axuda a fixar poboación no rural. Neste sentido, González indicou que se trata de grandes áreas, como son os polígonos agroforestais, que buscan precisamente aumentar a base territorial de quen aposta polo rural, poñendo en valor terras produtivas de gran calidade que inciden de forma positiva na competitividade das explotacións. E citou, precisamente, que no concello veciño de Crecente está en marcha o polígono de Mandelos, dunhas 45 hectáreas, onde unha parte da súa superficie se destinará a viñedo para a DO Rías Baixas.

En parecidos termos, o conselleiro puxo de relevo tamén a futura Lei da calidade alimentaria, que procura salvagardar a continuidade do sector primario, de forma que a calidade sexa o gran referente que sempre distingue a Galicia. A maiores, recordou as diferentes liñas de axuda que xestiona a Xunta para potenciar o sector agroalimentario galego. Achegas específicas para o sector do viño, como as destinadas a apoiar os investimentos en elaboración e comercialización de produtos vitivinícolas, ás que se destinaron nos últimos cinco anos máis de 13 millóns de euros para chegar a 172 beneficiarios. E tamén as axudas para a promoción do viño galego en mercados de terceiros países, que permitiron conceder 128 subvencións desde o ano 2018 por importe de 6,7 millóns de euros. De feito, lembrou González, vén de publicarse a convocatoria do ano que vén cun orzamento de 1,7 millóns de euros. Nesta liña, tamén fixo referencia ás subvencións para a reestruturación e reconversión do viñedo, que beneficiaron nese mesmo período –dende 2018– un total de 732 viticultores, cunha partida total de case 10 millóns de euros.

Descarga gratis la nueva app de COPE y prueba todas las novedades. Ya disponible para iPhone y Android, con nuevas funcionalidades. Todos los programas, emisoras y noticias. Con la posibilidad de recibir notificaciones en tu móvil. La aplicación para iOS y Android se puede descargar de forma totalmente gratuita a través de la App Store y Google Play.

La aplicación de COPE es el mejor canal para escuchar la radio en directo, pero es también un completo medio de información digital que cuenta las noticias cuando se están produciendo, que te alerta de lo que sucede mediante notificaciones en tu móvil. Continúa leyendo las últimas noticias de actualidad en nuestra página web para estar siempre informado de lo que está pasando